Actualidade
22-06-2018
Ata o vindeiro curso!
Pechamos uns libros e abrimos outros. Nas aulas, xa baleiras de nen@s, aínda se escoita o ecoar das voces dos personaxes que n@s acompañaron durante o curso e que n@s fixeron cómplices das súas historias.
É o momento de preparar a equipaxe para as vacacións e, nela, non poden faltar os libros que nos recomendaron para este tempo de lecer que agora comeza. O que leamos pasará a formar parte das nosas experiencias e ampliará a nosa visión do mundo para que poidamos gozar da vida de maneira máis intensa.
"Ler" é o "superpoder" que nos permite dialogar coa empatía, coas nosas emocións, coa natureza, coa tolerancia, co amor, coa solidariedade… En definitiva, con todo aquilo que nos converte nos heroes e heroínas da nosa propia vida.
