Día do Libro Infantil e Xuvenil

Ler é liberdade. Ler é respirar.

Ler permíteche ver o noso mundo con ollos diferentes

e convídate a habitar mundos que nunca quererás deixar.

Ler permítelle ao teu espírito soñar.

Din que os libros son amigos para toda a vida

e estou de acordo.

A plenitude do teu universo só medra cando les.

As historias son ás que nos axudan a remontar

o voo cada día, polo tanto busca libros que lle falen

ao teu espírito, ao teu corazón, á túa mente.

As historias son medicina. Curan. Reconfortan.

Inspiran. Ensinan.

Benditos sexan os narradores, e os lectores,

e os oíntes. Benditos sexan os libros. Eles son

a medicina para un mundo mellor, máis luminoso.

Mahsi cho. Moitas grazas.

RICHARD VAN CAMP, AUTOR