DÍA MUNDIAL DA XUSTIZA SOCIAL

Nacións Unidas teno claro e nós tamén o deberiamos ter. O Día Mundial da Xustiza Social reivindica a igualdade dos dereitos e das obrigas de cada ser humano na sociedade.

Detrás de cada inxustiza hai unha historia e, detrás de cada historia, un valor que debemos aprender e comprender. Pensaches cales son algunhas das maiores inxustizas da nosa sociedade?

• A ausencia de emprego pleno e digno.

• A desigualdade entre sexos.

• A persecución de minorías.

• A pobreza.

• A destrución da Natureza.

Estes son só algúns exemplos. É moita hora de reflexionar sobre que podemos facer para que este mundo sexa máis equitativo. O desenvolvemento da sociedade non ten sentido ningún se non redunda nun benestar real e sostible.