Entra / Rexístrate

Actualidade

Rematan as clases

Este ano foi raro, estraño, complicado… moi complicado. Con todo, hai momentos que nunca cambian. Chegou o día en que as alumnas e alumnos se despiden do curso, en que lles prometen @s profes que van repasar durante o verán, en que o conserxe pecha as aulas, en que os corredores fican baleiros, en que a sirena xa non soa para anunciar a fin do recreo.

Non hai tristeza, porque o verán é sinónimo de risos, de pasar máis tempo coas amigas e amigos, de piscina, de campamento, de lecer, de xeados e de deitarse sen medo ao espertador. Espreme as vacacións, divertíndote, aprendendo, lendo!

Bótalles un ollo ás nosas lecturas, elas non collen vacacións… sempre estarán contigo.