Temos un bo plan para ti

Os libros son «testemuñas» do noso crecemento persoal. Transfórmannos. E axúdannos a crear unha comunidade lectora na que compartir reflexións e debates a partir do que nos suscita a súa lectura. Para iso, é fundamental que o noso plan lector, a selección de títulos que ofrecemos ao noso alumnado, teña en conta as inquedanzas, os gustos e as necesidades dos lectores e das lectoras de hoxe.

No Plan Lector de Oqueleo propoñemos para cada curso títulos variados:

-          Que responden a eixes temáticos de interese acordes cos intereses do grupo-aula, favorecen o desenvolvemento dos obxectivos da axenda 2030 e dos plans de fomento da lectura.

-          Que van acompañados de recursos para desenvolver a capacidade crítica, reflexiva e literaria nun mundo en constante transformación.

Xa sabes, únete ao noso plan lector e bota man dos recursos que ofrecemos para dinamizar as lecturas.